ئايەت ھەدىستە ھالال-ھاراملىقى تىلغا ئېلىنمىغان يېمەكلىكلەرنىڭ ھۆكمى نېمە؟

[418] تۆتىنجى مەسىلە: شەرىئەت بەلگىلىگۈچى (ئاللاھ ۋە ئاللاھنىڭ رەسۇلى) ھالال ياكى ھاراملىقىنى بايان قىلمىغان يېمەكلىكلەرنىڭ ھۆكمى

فىقھۇل مۇيەسسەردىن مۇجتەھىدلەر پەتىۋالىرى تورى تەرجىمە قىلدى

شەرىئەت بەلگىلىگۈچى (ئاللاھ ۋە ئاللاھنىڭ رەسۇلى) ھەققىدە ھۆكۈم چىقارمىغان، ھاراملىقى توغرۇلۇق ئوچۇق دەلىل بولمىغان (ئىشلار ۋە) نەرسىلەر ھالالدۇر. چۈنكى، شەيئىيلەرگە ئائىت ئەسلى ھۆكۈم ئۇنىڭ مۇباھ بولۇشىدۇر. ئاللاھ مۇنداق دېگەن:«يەر يۈزىدىكى نەرسىلەرنىڭ ھەممىسىنى سىلەر ئۈچۈن ياراتقان زات ئاللاھتۇر.»(سۈرە بەقەرە، 29-ئايەت) پەيغەمبەر سەللەللاھۇ ئەلەيھى ۋەسسەللەم مۇنداق دېگەن:«ئاللاھ ئۆز كىتابىدا ھالال قىلغان نەرسە ھالالدۇر. ھارام قىلغان نەرسە ھارامدۇر. ھەققىدە ئاللاھ سۈكۈت قىلغان نەرسىلەر ئاللاھنىڭ ئەپۇسىدۇر. بۇ ۋەجىدىن ئاللاھ سۈكۈت قىلغىنىنى قوبۇل قىلىڭلار. چۈنكى، ئاللاھ ھېچبىر ئىشنى ئۇنۇتمايدۇ.» رەسۇلۇللاھ مۇشۇنداق دەپ بولۇپ «رەببىڭ ئۇنتۇپ قالمايدۇ»(سۈرە مەريەم، 64-ئايەت) دېگەن ئايەتنى ئوقۇدى.(ھاكىم 2-375؛ ھاكىم سەھىھ دېگەن؛ زەھەبى سەھىھلىكىگە قوشۇلغان)