تەپسىرۇل مۇيەسسەر: تەكاسۇر سۈرىسىنىڭ تەپسىرى

تەكاسۇر سۈرىسىنىڭ تەپسىرى | تەپسىرۇل مۇيەسسەر

مۇجتەھىدلەر پەتىۋالىرى تورى تەرجىمە قىلدى (تەرجىمە قىلىنغان ۋاقتى: ھىجرىيە 1439-يىلى، ناسارا 2018-يىلى، 27-تەممۇز)

بىسمىللاھىررەھمانىررەھىم

أَلْهَاكُمُ التَّكَاثُرُ
[102:1] پۇل-مېلىڭلارنىڭ ۋە ئەۋلاتلىرىڭلارنىڭ كۆپلىكى بىلەن پەخىرلىنىش سىلەرنى مەشغۇل قىلىپ، ئاللاھقا ئىتائەت قىلىشتىن مەھرۇم قويدى.

حَتَّىٰ زُرْتُمُ الْمَقَابِرَ
[102:2] سىلەرنىڭ پۇل-مال ۋە ئەۋلاتلار بىلەن گول بولۇشۇڭلار تاكى قەبرىلەرگە دەپنە قىلىنغىنىڭلارغا قەدەر داۋاملاشتى.

كَلَّا سَوْفَ تَعْلَمُونَ

[102:3] پۇل-مالنىڭ كۆپلىكى بىلەن پەخىرلىنىش سىلەرنى بۇنداق گوللىمىسۇن! سىلەر يېقىندا ئاخىرەت يۇرتىنىڭ سىلەر ئۈچۈن تېخىمۇ خەيرلىك ئىكەنلىكىنى چۈشىنىسىلەر.

ثُمَّ كَلَّا سَوْفَ تَعْلَمُونَ

[102:4] شۇنداق؛ پۇل-مال ۋە ئەۋلادلار بىلەن مەشغۇل بولۇپ، گوللىنىشتىن ساقلىنىڭلار! كەلگۈسىدە ئاخىرەتكە كۆڭۈلۈشىمىگەنلىكىڭلارنىڭ يامان نەتىجىسىنى كۆرىسىلەر.

كَلَّا لَوْ تَعْلَمُونَ عِلْمَ الْيَقِينِ ‎﴿٥﴾‏ لَتَرَوُنَّ الْجَحِيمَ ‎﴿٦﴾‏ ثُمَّ لَتَرَوُنَّهَا عَيْنَ الْيَقِينِ ‎﴿٧﴾‏ ثُمَّ لَتُسْأَلُنَّ يَوْمَئِذٍ عَنِ النَّعِيمِ ‎﴿٨﴾‏

[102:5،6،7،8] پۇل-مالنىڭ كۆپلىكى بىلەن پەخىرلىنىش سىلەرنى بۇنداق گوللىمىسۇن! ئەگەر ئېنىق بىلىمگە ئىگە بولغان بولساڭلار بۇنداق قىلمايتتىڭلار ۋە ئۆزۈڭلارنى ھالاكەتتىن قۇتقۇزۇشقا يۈگۈرگەن بولاتتىڭلار. قەسەم قىلىمەنكى، سىلەر جەھەننەمنى كۆرىسىلەر. يەنە قەسەم قىلىمەنكى، سىلەر جەھەننەمنى شەك-شۈبھىسىز كۆرىسىلەر. ئاندىن يەنە قەسەم قىلىمەنكى، قىيامەت كۈنى (ئۆزۈڭلارغا بېرىلگەن) ھەر تۈرلۈك نېئمەتتىن سوراققا تارتىلىسىلەر.

mujtehid.com