ناماز ئوقۇپ بولۇپ كىيىمىدە نىجاسەت (مەينەتچىلىك) بايقىغان كىشى توغرىسىدا | ئەللامە ئىبنى باز
14-سۇئال: بىر كىشى ناماز ئوقۇپ سالام بېرىپ بولغاندىن كېيىن كىيمىدە نىجاسەتنى كۆرسە، شۇ نامىزىنى قايتا ئوقۇشى كېرەكمۇ؟
جاۋاب: كىشى بەدىنىدە ياكى كىيمىدە نىجاسەتنىڭ (مەينەتچىلىكنىڭ) بارلىقىنى نامازنى ئوقۇپ بولغاندىن كېيىن بىلگەن بولسا، بۇ مەسلىدە ئالىملارنىڭ ئىككى خىل قارىشى بار بولۇپ، بۇ قاراشلارنىڭ ئەڭ توغرىسى «بۇنداق كىشىنىڭ ئوقۇغان شۇ نامىزى دۇرۇس بولىدۇ» دېگەن قاراشتۇر.
شۇنداقلا، نامازغا تۇرۇشتىن ئىلگىرى بەدىنىدە ياكى كىيمىدە بىر مەينەتچىلىك بارلىقىنى بىلگەن بولسا ۋە نامازغا تۇرۇغان ۋاقىتتا كىيمىدە ياكى بەدىنىدە نىجاسەت بارلىقىنى ئۇنتۇپ قېلىپ نامازنى ئوقۇپ بولغاندىن كېيىن نىجاسەت بارلىقى ئېسىگە كەلگەن بولسا بۇنداق نامازمۇ ئوخشاشلا دۇرۇس بولىدۇ.
ئاللاھ ئەززە ۋەجەللەنىڭ بەندىسىنىڭ ئۇنتۇپ قېلىشى ياكى خاتالىق ئۆتكۈزگەنلىكى سەۋەبلىك بەندىسىنى جازالىمايدىغانلىقى توغرىسىدا مۇنۇ ئايەت مەۋجۇت:« رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا» «پەرۋەردىگارىمىز ئەگەر بىز ئۇنتۇساق ياكى ياكى خاتالاشساق (بىزنى ئۇنتۇش ياكى خاتالىقىمىز سەۋەپلىك ئەمىرىڭنى تولۇق ئورۇندىيالمىساق) بىزنى جازاغا تارتمىغىن.»
رەسۇلۇللاھ سەللەللاھۇ ئەلەيھى ۋەسەللەمدىن مۇشۇ ھەقتە كەلگەن سەھىھ ھەدىستە
ئاللاھ تائالا (بۇنداق نىدادا بولغۇچى ھەققىدە) «جازاغا تارتمايمەن» دېگەنلىكى نەقىل قىلىنغان.
رەسۇلۇللاھ سەللەللاھۇ ئەلەيھى ۋەسەللەم كەشىنىڭ (ئايىقىنىڭ) ئاستىغا نىجاسەت يوقۇپ قېلىپ، بىلمەستىن ناماز ئوقۇۋاتقاندا، جىبىرىل ئەلەيھسالام كېلىپ ئايىقىنىڭ ئا ستىغا نىجاسەت يوقۇپ قالغانلىقىنى ئېيتقان، شۇنىڭ بىلەن رەسۇلۇللاھ سەللەللاھۇ ئاەلەيھى ۋەسەللەم كەشىنى سېلىۋېتىپ نامىزىنى داۋاملاشتۇرىۋەرگەن. بۇ ئاللاھ تائالنىڭ بەندىلىرىگە قولايلاشتۇرۇپ بەرگەنلىكىدۇر ۋە رەھمىتىدۇر.
كىشى تاھارەتسىز ناماز ئو قۇپ قالغان بولسا، ئالىملارنىڭ ئىتىپاقى بىلەن نامازنى قايتا ئوقۇيدۇ. رەسۇلۇللاھ سەللەللاھۇ ئەلەيھى ۋەسسەللەم تاھارەتسىز ناماز ئوقۇش توغرىسدا مۇنداق دېگەن:«تاھارەتسىز ئوقۇلغان ناماز قوبۇل بولمايدۇ ۋە غەنىيمەتتىن ئوغرىلانغان مالدىن بېرىلگەن سەدىقە قوبۇل بولمايدۇ.»(مۇسلىم) رەسۇلۇللاھ يەنە مۇنداق دېگەن:«سىلەردىن بىرىڭلار تاھارەت سۇندۇرغان بولسا، تاھارەت ئالمىغۇچە نامىزى قوبۇل بولمايدۇ.»(بۇخارى ۋە مۇسلىم) [مەنبە: ئەللامە ئىبنى باز «ئىسلامنىڭ بەش رۇكنىغا ئالاقىدار پەتىۋالار»، ناماز بۆلۈمى، 14-نومۇرلۇق پەتىۋا]
مۇجتەھىد تورى تەرجىمە قىلىپ تارقاتتى | mujtehid.com
ئەسكەرتىش: كىيىمىگە خۇن تېگىپ قالغان ئايال كىشىنىڭ نامىزىنىڭ ھۆكمىمۇ مۇشۇ پەتىۋانىڭ ھۆكمى بىلەن ئوخشاش.