223- سوئال: خۇپتەن نامىزىنى ئوقۇماقچى بولغان كىشىنىڭ تەراۋىھ نامىزى ئوقۇۋاتقان ئىمامغا ئىقتىدا قىلغىنىدەك، پەرىز ناماز ئوقۇغۇچىنىڭ نەپلە ناماز ئوقۇغۇچىغا ئىقتىدا قىلىشىنىڭ ھۆكمى نېمە؟
جاۋاپ: كىشىنىڭ تەراۋىھ نامىزى ئوقۇۋاتقان ئىمامغا خۇپتەن ئوقۇش نىيىتى بىلەن ئىقتىدا قىلىپ خۇپتەن نامىزىنى ئوقۇشى دۇرۇس. ئىمام ئەھمەد مۇشۇنداق ھۆكۈم قىلغان.
مۇساپىر – يولۇچى كىشى ناماز باشلىنىشىدىلا ئىمامغا يېتىشكەن بولسا، نامازنى ئىمام بىلەن بىللە تولۇق ئوقۇپ، ئىمام بىلەن بىرلىكتە سالام بېرىپ نامازدىن چىقىدۇ. ئەگەر، ئىمامغا تۇنجى رەكئەتتە يېتىشەلمەي، ئۇنىڭدىن كېيىنكى رەكئەتلەردە يېتشىسە، ئىمام نامازدىن چىقىش سالىمىنى بەرگەندىن كېيىن، ئىمامغا يېتىشەلمىگەن رەكئەتلەرنى تولۇقلاپ ئوقۇيدۇ. (مەنبە: فەتۋا ئەركانۇل ئىسلام، 223-نومۇرلۇق پەتىۋا)