﴿خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ﴾
7:199 ﴿ئەپۇچانلىق يولىنى تۇتقىن. (مۇسۇلمانلاردىن سادىر بولغان قۇسۇرلارنى كۈچۈرۈپ، كەمچىلىكلىرىنى كۆرمەسكە سالغىن1. ئەپۇچانلىق گۈزەل ئەخلاقىنى ئۆزۈڭدە بار قىل؛ ساڭا زۇلۇم قىلغان كىشىنى كەچۈرگىن2. سېنى مەھرۇم قويغاننى سەن مەھرۇم قويما، سەن بىلەن مۇناسىۋىتىنى ئۈزگەن <يېقىنلىرىڭ3>دىن سەن مۇناسىۋىتىڭنى ئۈزمە4. ئەخلاقنىڭ ئەڭ ئۈستۈنى زۇلۇم قىلغۇچىنى كەچۈرۈش، بەرمىگەنگە بېرىش، سەن بىلەن مۇناسىۋەتنى ئۈزگۈچىگە جاۋابەن مۇناسىۋەتنى ئۇنىڭدىن ئۈزمەسلىكىڭدۇر5.) (شەرىئەتكە ئۇيغۇن بولغان6، ھەر تۈرلۈك7) ياخشىلىققا بۇيرۇغىن. (جاھىللارنىڭ ئەزىيەتلىرىدىن ئەمىن قېلىش مۇمكىن بولمىغانلىقتىن8) جاھىللاردىن يۈز ئۆرۈگىن.(جاھىلغا جاھىللىق بىلەن جاۋاب قايتۇرۇشتىن نەپسىڭنى تىزگىنلە9، ناچار ئىنسانلارغا ياخشىلىق بىلەن ۋە ئەڭ گۈزەل رەۋىشتە مۇئامىلە قىل10،سۆز ياكى ھەرىكىتى ئارقىلىق سېنى بىئارام قىلغۇچىنى سەن بىئارام قىلما، ساڭا زۇلۇم قىلغۇچىغا ئادالەتلىك مۇئامىلە قىل11. جاھىللاردىن يۈز ئۆرۈش — ئۇلارنى ھەققە دەۋەت قىلىپ، دەلىل كەلتۈرگەندىن كېيىن بولىدۇ. ئەگەر جاھىللار بۇ دەۋەتنى قوبۇل قىلماي مەيلى بۇ سەۋەبلىك ساڭا ئەزىيەت يەتكۈزسۇن، ياكى يەتكۈزمىسۇن ئۇلاردىن يۈز ئۆرىگىن. ئۇلارغا قاتتىق مۇئامىلە قىلمىغىن12، جاھىل ئەخمەقلەر بىلەن تەڭ تۇرۇشتىن13، ئۇلارنىڭ سەۋىيىسىگە چۈشۈشتىن ساقلانغىن14.) ﴾ (سۈرە ئەئراف، 199-ئايەت) 1.تەپسىر سەئدى 2.3.تەپسىر بەغەۋى 4. تەپسىر بەغەۋى، تەپسىر سەئدى 6. ئەيسەر تەفاسىر 7.تەپسىر مۇيەسسەر 8.تەپسىر سەئدى 9.زادۇل مەسىر 10.ئىبنى كەسىر 11. تەپسىر سەئدى 12. ئەيسەر تەفاسىر 13.تەپسىر مۇيەسسەر 14. تەپسىر بەغەۋى
مۇجتەھىد تورى تەييارلىدى
بۇ تەرجىمە تەپسىرىنىڭ رەسىملىك ھۆججىتى ئۈچۈن چېكىڭ: https://t.me/tewhidnuri/745