ئىمامنىڭ جۈمە خۇتبىسىدە ئىككى قولىنى كۆتۈرۈپ دۇئا قىلىشى بىدئەت
سوئال: جۈمە خۇتبىسى سۆزلەۋاتقان ئىمامنىڭ ئىككى قولىنى كۆتۈرۈشىنىڭ ھۆكمى نېمە؟
پەتىۋا بەرگۈچى: ئىككى ھەرەمنىڭ ئۇستازى، ئەللامە ئىبنى ئۇسەيمىن رەھىمەھۇللاھ
جاۋاب: بۇنداق قىلىشنىڭ شەرىئەتتە ئاساسى يوق. ساھابىلەر-ئاللاھ ئۇلاردىن رازى بولسۇن- جۈمە خۇتبىسىدە ئىككى قولىنى كۆتۈرگەن بىشىر ئىبنى مەرۋانغا قارشى تۇرغان. (ئىمام مۇسلىمنىڭ جۈمە نامىزى بابىدا بۇ ھەقتە مۇنۇ ھەدىس بار: بىشى ئىبنى مەرۋان جۈمەدە ئىككى قولىنى كۆتۈرۈپ دۇئا قىلىدۇ. بۇنىڭ بىلەن ئۇمەرە ئىبنى رۇۋەيبە رەزىيەللاھۇ ئەنھۇ «ئاللاھ بۇ ئىككى قولنى قۇرۇتىۋەتسۇن، مەن پەيغەمبەر سەللەللاھۇ ئەلەيھى ۋەسسەللەمنىڭ خۇتبىدە مۇنداق قىلغىنىدىن باشقىنى كۆرمىدىم» دەپ كۆرسەت كۈچ بارمىقىنى ئىشارە قىلىپ كۆرسىتىدۇ.-ت) بىراق، جۈمە خۇتبىسىدە يامغۇر تىلەش دۇئاسى ئوقۇلسا ئىككى قولنى كۆتۈرۈپ دۇئا قىلىنىدۇ. پەيغەمبەر سەللەللاھۇ ئەلەيھى ۋەسسەللەم جۈمەنىڭ خۇتبىسىدە يامغۇر تىلەش دۇئاسى ئوقۇپ ئىككى قولىنى كۆتۈرگەن، ساھابىلەرمۇ ئۇ زاتقا ئەگىشىپ قوللىرىنى كۆتۈرگەن. بىراق، بۇنىڭدىن باشقا چاغدا جۈمە خۇتبىسىدە دۇئا قىلغاندا ئىككى قولنى كۆتۈرۈپ دۇئا قىلىش (ئىمامغىمۇ، جامائەتكىمۇ) دۇرۇس ئەمەس. (ھالبۇكى بۇ بىدئەت. چۈنكى، «دىندا يېڭىدىن پەيدا بولغان ئىشلارنىڭ ھەر قاندىقى بىدئەت.») [فتاوى أركان الإسلام]
شەيخۇل ئىسلام ئىبنى تەيمىييە مۇنداق دېگەن: ئاللاھ ئەڭ ئۆچ كۆرىدىغان ئىش — بىدئەتتۇر. (شرح العمدة في الفقه ٣\٦٠٢)
— مۇجتەھىد تورى تەرجىمە قىلىپ تارقاتتى