مەسجىدتە تېلفۇن ئارقىلىق ئېلىم-سېتىم قىلىش دۇرۇسمۇ؟
پەتىۋا بەرگۈچى: ئەللامە سالىھ ئەلفەۋزان ھافىزەھۇللاھ
سوئال: مەسجىدتە تېلفون ئارقىلىق مەيلى ۋاتساپ ئارقىلىق، ياكى تېلفۇندا سۆزلىشىش ئارقىلىق ئېلىم-سېتىم قىلىشنىڭ ھۆكمى نېمە؟
جاۋاب: جىمى ھەمدۇ سانالار ئاللاھقا ئائىتتۇر. رەسۇلىمىز مۇھەممەد سەللەللاھۇ ئەلەيھى ۋەسسەللەمگە دۇرۇت-ۋە سالاملار، ساھابىلىرىگە ۋە ئۇ زاتنىڭ يولىنى تۇتۇپ ماڭغان جىمى مۆمىنلەرگە سالاملار بولسۇن.
مەسجىدتە ئېلىم-سېتىم قىلىش دۇرۇس ئەمەس. چۈنكى، مەسجىدلەر ئاللاھنىڭ ئۆيى بولۇپ، ناماز ئوقۇش ۋە ئاللاھنى زىكىر قىلىش ئۈچۈن بىنا قىلىنغاندۇر. بۇ ۋەجىدىن، مەسجىدلەردە ئېلىم-سېتىم قىلىش دۇرۇس ئەمەس. شۇنداقلا، مەسجىدتە ئېلىم-سېتىم قىلىنغان تەقدىردە، بۇ جەھەتتىكى (سۆز ياكى يېزىق ئارقىلىق قىلىنغان) ئېلىم-سېتىم كېلىشىمى ھېسابقا ئىگە ئەمەس. چۈنكى، مەسجىدلەردە ئېلىم-سېتىم قىلىش (رەسۇلۇللاھ سەللەللاھۇ ئەلەيھى ۋەسسەللەم تەرىپىدىن) چەكلەنگەن.
سوئال: ھۆرمەتلىك شەيخ، مەسجىدنىڭ ھويلىسى مەسجىد ھۆكمىدە بولامدۇ؟
جاۋاب: مەسجىدكە تەۋە بولغان ھەممە جاي مەسجىدنىڭ ھۆكمىدە بولىدۇ.
— مۇجتەھىد تورى تەرجىمە قىلىپ تارقاتتى