ئېغىزنى مىسۋاكلاش توغرىسىدىكى سەھىھ ھەدىسلەر
«فۇرقان دەئۋەت مەركىزى» تەييارلىدى
(ھەدىسلەر تولۇقلىنىۋاتىدۇ)
پەيغەمبەر سەللەللاھۇ ئەلەيھى ۋەسسەللەم مۇنداق دېگەن: «ئېغىزنى چوتكىلاش (مىسۋاكلاش) ئېغىزنى پاكلايدۇ، ئاللاھ تائالانى رازى قىلىدۇ.» (بۇخارى 2-40؛ مۇسنەد ئەھمەد 6-47؛ نەسائى 1-10؛ ئەلبانى ئىرۋا 1-105 تە سەھىھ دېگەن)
پەيغەمبەر سەللەللاھۇ ئەلەيھى ۋەسسەللەم مۇنداق دېگەن: «ئەگەر ئۈممىتىمنى مۇشەققەتكە سېلىپ قويماي دېسەم، ئۇلارنى ھەر ناماز ئۈچۈن مىسۋاك قوللىنىشقا بۇيرۇيتتۇم.» (بۇخارى 887؛ مۇسلىم 252)
مىقداد ئىبنى شۇرەيھ دادىسىنىڭ مۇنداق دېگەنلىكىنى بايان قىلغان: «ئائىشە رەزىيەللاھۇ ئەنھادىن ‹پەيغەمبەر سەللەللاھۇ ئەلەيھى ۋەسسەللەم ئۆيگە كىرىپ تۇنجى قىلىدىغان ئىشى قايسى ئىدى؟› دەپ سورىدىم. ئائىشە ئانىمىز ‹ئېغىزىنى مىسۋاكلايتتى› دېدى.» (مۇسلىم 253)
پەيغەمبەر سەللەللاھۇ ئەلەيھى ۋەسسەللەم كېچىسى ئۇيقۇدىن تۇرغاندا چىشىنى مۇكەممەل ھالەتتە مىسۋاكلايتتى. (بۇخارى 245؛ مۇسلىم 255)
«فۇرقان دەئۋەت مەركىزى» تەييارلىدى