نىفاسدار ئايال قىرىق كۈن ئىچىدە پاكلاندى، ئاندىن تەكرار قان كەلدى، قانداق قىلىدۇ؟
سوئال: بىر نىفاسدار ئايالدىن نىفاس قېنى كېلىش توختىغان بولسا، ئاندىن بىر كۈندىن كېيىن يەنە قان كەلگەن بولسا، بۇنداق ئايالنىڭ قان توختىغان ئاشۇ كۈندە ناماز ئوقۇشى پەرز بولامدۇ؟
شەيخ بىن باز سوئالغا مۇنداق پەتىۋا بەرگەن:
نىفاسدار ئايال كىشىدىن قىرىق كۈن توشماستىن تۇرۇپ قان كېلىش توختىسا، قان كېلىش توختىغان بۇ كۈنلەردە يۇيۇنۇپ پاكلىنىپ ناماز ئوقۇيدۇ، روزا تۇتماقچى بولسا تۇتسا بولىدۇ. نىفاسدار ئايالنىڭ قېنى مەيلى بىر كۈن ياكى ئىككى كۈن ۋەياكى ئۈچ كۈندىلا توختىغان ، يەنى قىرىق كۈن ئىچىدە نىفاس قېنى توختىغان تەقدىردە، ئىش مۇشۇنداقتۇر. بۇ قىرىق كۈنلۈك مۇددەت ئىچىدە پاكلانغان ئايالنىڭ ئوقۇغان نامىزى، تۇتقان روزىسى دۇرۇس بولىدۇ، ئېرىگە ھالال بولىدۇ. ئەمما، قىرىق كۈن ئىچىدە ئۇ ئايالدىن قايتا قان كەلسە، ئۇ ھالدا سەھىھ بولغان كۆز قاراش شۇكى، بۇنداق ئايال (نىفاسدار ئايالنىڭ ھۆكمىدە) ئولتۇرىدۇ. ناماز ئوقۇمايدۇ، روزا تۇتمايدۇ. لېكىن، بۇنداق ئايالنىڭ بۇ قېنى بىلەن باشتىكى قېنى ئارىسىدىكى پاكلىق مۇددىتىدە تۇتقان روزىسى، ئوقۇغان نامىزى دۇرۇستۇر. ئۇنىڭ قازاسىنى قىلمايدۇ.
— مۇجتەھىد تورى تەرجىمە قىلىپ تارقاتتى | mujtehid.com
مەزكۇر پەتىۋانىڭ ئەرەپچە تېكىستى:
إذا كانت في أيام النفاس الأربعين، وانقطع عنها الدم؛ تغتسل، وتصلي، وتصوم في الأيام التي انقطع عنها الدم، ورأت فيها الطهارة يوم يومين ثلاثة، صلاتها صحيحة، وصومها صحيح، وتحل لزوجها، فإذا عاد عليها الدم في الأربعين؛ فالصحيح أنها تجلس، إذا عاد عليها الدم في الأربعين؛ لا تصلي ولا تصوم، ولكن أيامها الماضية التي رأت فيها الطهارة صومها صحيح، وصلاتها صحيحة، لا تعاد.