رامزاندا (روزىدار ھالەتتە) ئايالى بىلەن جىما قىلغان كىشى قانداق قىلىدۇ؟ | ئەللامە سالىھ ئەلفەۋزان پەتىۋاسى
سوئال: يېڭى توي قىلغان ياشلىق دەۋرىمدە، رامزاننىڭ كۈندۈزلىرىدىن بىرىدە ئايالىم بىلەن جىما قىلغان ئىدىم. بۇ قىلمىشىمنىڭ كافارىتى نېمە؟
پەتىۋا بەرگۈچى: ئەللامە سالىھ ئەلفەۋزان ھافىزەھۇللاھ
بۇنىڭ كافارىتى، بىرىنچىدىن، جىما قىلغان ئەر ئايال ئىككەيلەننىڭ ھەر بىرى شۇ كۈنلۈك رامىزان روزىسىنىڭ قازاسىنى قىلىدۇ.
ئىككىنچىدىن، ھەر بىرىگە كافارەت قىلىش ۋاجىپ بولۇپ، (رامزاندا ھالال جۈپتى بىلەن جىما قىلغان كىشىنىڭ) كافارىتى ھەر بىرى بىردىن قۇلنى ئازات قىلىشتۇر. ناۋادا ئازات قىلغۇدەك قۇل تاپالمىسا، ئۇ ھالدا ئەر-ئايالنىڭ ھەر بىرى ئۈزۈلدۈرمەستىن تولۇق ئىككى ئاي تولۇق روزا تۇتىدۇ. (بۇ ھۆكۈم رەسۇلۇللاھ سەللەللاھۇ ئەلەيھى ۋەسسەللەمنىڭ ھۆكمى بولۇپ، سەھىھ ھەدىستە مۇشۇنداق كەلگەن.)
بۇ ۋەجىدىن، سىلەر ئەر-ئايال ھەر بىرىڭلار، (شۇ كۈنى بۇزۇۋەتكەن روزىنىڭ قازاسىنى تۇتىسىلەر، ئاندىن) ئۈزۈلدۈرمەي ئىككى ئاي روزا تۇتىسىلەر. سىلەر ئۈچۈن كافارەت مانا بۇدۇر.
— مۇجتەھىد تورى تەرجىمە قىلىپ تارقاتتى | mujtehhid.com