كەبىگە قاراش ئىبادەتمۇ؟ | ئەللامە سالىھ ئەلفەۋزان پەتىۋاسى
سوئال: بىر سورىغۇچى مۇنداق دەپ سوراۋاتىدۇ: كەبىگە قاراش ئىبادەتمۇ؟
پەتىۋا بەرگۈچى: ئەللامە سالىھ ئەلفەۋزان ھافىزەھۇللاھ
كەبىگە قاراشنىڭ ئىبادەت ئىكەنلىكى توغرىسىدا بىرەر دەلىلنى بىلمەيمەن. كەبە بەيتۇللاھتۇر. ئاللاھ سۇبھانەھۇ ۋەتائالا نامازدا كەبىگە يۈز كەلتۈرۈشىمىزنى، كەبىنى تاۋاپ قىلىشىمىزنى بىزلەرگە ۋاجىپ قىلدى. ئاللاھ يەنە كەبىنىڭ يەمەن تەرەپتىكى بۇرجىكى بولغان رۇكنى يەمانىينى سىلىشىمىزنى، ھەجرۇل ئەسۋەدنى سىلىشىمىزنى ۋە سۆيۈشىمىزنى شەرىئەت قىلدى. بىز ئاللاھ بىزگە شەرىئەت قىلىپ بەلگىلىگەن ئىبادەتلەر بىلەن بولدى قىلىمىز. دەلىلسىز ھالدا، ئۆز نەپسىمىز بويىچە شەرىئەتكە يېڭى نەرسىلەرنى قوشىۋالمايمىز. مەن كەبىگە قاراشنىڭ ئىبادەت ئىكەنلىكىگە ئالاقىدار ھېچبىر دەلىلنى بىلمەيمەن.
— مۇجتەھىد تورى تەرجىمە قىلىپ تارقاتتى | mujtehid.com