يولۇچى ۋە مۇساپىر قايسى نامازلارنى قىسقارتىپ ئوقۇيدۇ؟
«فىقھۇل مۇيەسسەر» ناملىق مۆتىۋەر فىقھى ئەسەردىن مۇجتەھىدلەر پەتىۋالىرى تورى تەرجىمە قىلىپ تارقاتتى
قىسقارتىپ قىلىنىشى دۇرۇس بولغان نامازلار تۆت رەكئەتلىك پەرز نامازلار بولۇپ، ئۇلار پېشىن، ئەسىر ۋە خۇپتەن نامىزىدىن ئىبارەت. بامدات ۋە شام نامىزىنىڭ قەسىر قىلىنمايدىغانلىقى توغرۇلۇق ئىجمائ بار. چۈنكى، بۇ (يەنى بامدات ۋە شام نامىزىنىڭ قىسقارتىلماي ئۆز پېتى ئوقۇلىدىغانلىقى) پەيغەمبەر سەللەللاھۇ ئەلەيھى ۋەسسەللەم ۋە ساھابىلىرىنىڭ پېئىلىدۇر. بۇنىڭدىن سىرت، ئابدۇللاھ ئىبنى ئابباسنىڭ «ئاللاھ نامازنى پەيغەمبىرىمىزنىڭ تىلى بىلەن مۇقىم تۇرغاندا تۆت رەكئەت، سەپەر ھالىدە ئىكى رەكئەت قەسىر قىلىپ پەرز قىلدى» دېگەنلىكىمۇ بۇنىڭ دەلىلىدۇر.(مۇسلىم 687) بۇنىڭغا كۆرە، قەسىر قىلىنىشى كېرەك بولغىنىنىڭ تۆت رەكئەتلىك پەرز نامازلار ئىكەنلىكىنى كۆرسىتىدۇ. (مەنبە: فىقھۇل مۇيەسسەر، ناماز بابى) — مۇجتەھىدلەر پەتىۋالىرى تورى تەرجىمە قىلىپ تارقاتتى