تاماكا ساتىدىغان ۋە يېرىم – يالىڭاچ ئاياللارنىڭ كىتاب- ژۇرناللىرى سېتىلىدىغان ماگىزىندا ئىشلەشنىڭ ھۆكمى؟ | ئەللامە ئابدۇللاھ ئىبنى غۇدەييان رەھىمەھۇللاھ
سوئال: مەن يېمەك – ئىچمەك ساىتىدىغان دۇككاندا ئىشلەيمەن، دۇككانىڭ خوجايىنى تاماكا ساتىدۇ، يېرىم – يالىڭاچ سۈرەتلەر بار ناچار مەزمۇندىكى كىتاب – ژۇرناللارنى ساتىدۇ. دۇككان خوجايىنىغا نەسىھەت قىلغان بولساقمۇ، پايدىسى بولمىدى. (بۇ خىل ئەھۋالدا) بىزنىڭ بۇ دۇككاندا تاماكا ۋە يېرىم – يالىڭاچ سۈرەتلەر بار كىتاب – ژۇرناللارنى خېرىدارلارغا ساتساق گۇناھكار بولىمىزمۇ؟ بىز ئالغان مائاش ھالال بولامدۇ ھاراممۇ؟
ئەللامە ئابدۇللاھ ئىبنى غۇدەييان رەھىمەھۇللاھنىڭ جاۋابى:
يېرىم – يالىڭاچ ئاياللارنىڭ رەسىملىرى بولغان، ناچار مەزمۇنلۇق كىتاب – ژۇرناللارنى سېتىش دۇرۇس ئەمەس، تاماكا سېتىشمۇ دۇرۇس ئەمەس. ئەگەر كىشى بۇنداق ھارام نەرسىلەرنى سېتىشقا ھەمكارلاشسا، گۇناھقا ھەمكارلاشقان نىسبىتىدە گۇناھكار بولىدۇ. تەۋپىق ئاللاھتىندۇر.