«ئاللاھ ئىنساننى ئۆز سۈرىتىدە ياراتتى» ھەدىسى سەھىھمۇ؟
سوئال: (((إن الله خلق آدم على صورته))«ئاللاھ ئادەمنى ئۆز سۈرىتىدە ياراتتى» ياكى «راھماننىڭ سۈرىتىدە ياراتتى» دېگەن ھەدىس سەھىھمۇ؟
پەتىۋا بەرگۈچى: ئىمام ئىبنى باز رەھىمەھۇللاھ
جاۋاب:
بۇ ئىمام بۇخارى ۋە مۇسلىم ئەبۇ ھۇرەيرەدىن نەقىل قىلغان سەھىھ ھەدىستۇر. «ئاللاھ ئادەمنى ئۆز سۈرىتىدە ياراتتى» (1) دېگەن بۇ ھەدىسنىڭ مەنىسى: ئاللاھ ئۇنى ئاڭلايدىغان، كۆرىدىغان، سۆزلەيدىغان، كۆزى، قولى ۋە پۇتى بار قىلىپ ياراتتى دېگەنلىكتۇر. بۇنىڭدىن «ئوخشاشلىق» (مۇشابەھە) مەقسەت قىلىنمايدۇ. چۈنكى ھېچبىر نەرسە ئاللاھ تائالاغا ئوخشىمايدۇ. ئاللاھ تائالا مۇنداق دېگەن: {وَلَمْ يَكُنْ لَهُ كُفُوًا أَحَدٌ} {ھېچنەرسە ئاللاھقا تەڭداش بولالمايدۇ.} [ئىخلاس سۈرىسى، 4-ئايەت].
ھەدىسنىڭ مەنىسى شۇكى: ئاللاھ ئۇنى ئۆز سۈرىتىدە — يەنى يۈزى، قولى، پۇتى بار، بىلىدىغان، ئاڭلايدىغان ۋە كۆرىدىغان قىلىپ ياراتتى دېگەنلىكتۇر. ئەھلى سۈننەت ئالىملىرىدىن ئىمام ئەھمەد، ئىسھاق ۋە باشقىلار (ئاللاھ ئۇلارغا رەھمەت قىلسۇن) مۇشۇنداق بايان قىلغان.
- سەھىھۇل مۇسلىم 2612 – ھەدىس
— مۇجتەھىد تورى تەرجىمە قىلىپ تارقاتتى
مەنبە:
https://binbaz.org.sa/fatwas/3076/درجة-حديث-ان-الله-خلق-ادم-على-صورته