ھەيزدىن پاكلىنىپ بىر ھەپتىدىن كېيىن يەنە قان كەلدى، قانداق قىلىمەن؟
پەتىۋا بەرگۈچى: ئەللامە سالىھ ئەلفەۋزان ھافىزەھۇللاھ
سوئال:
پەزىلەتلىك شەيخ، ئاللاھ سىلىنى ئۆز پاناھىدا ساقلىسۇن. بىر ئايال مۇنداق دەپ سوراپتۇ: «بىر ئايالنىڭ ھەيزى توختاپ، ھەيزدىن پاكلانغىنىغا بىر ھەپتە بولغان. ئەمما ھازىر قايتىدىن يەنە قان كەپتۇ. بۇ ئىستىھازە (كېسەللىك قېنى) ھېسابلىنامدۇ ياكى ھەيز قېنىمۇ؟«
ئەللامە سالىھ ئەلفەۋزاننىڭ جاۋابى:
ئەگەر ئۇنىڭ ئادەت مۇددىتى تولۇق ئاخىرلىشىپ يۇيۇنغان (غۇسلى قىلغان) بولسا، ئاندىن يەنە ئازراق قان كەلسە، بۇ پاساد (كېسەللىك سەۋەبىدىن كەلگەن بىنورمال) قاندۇر. ھەيز قېنى ئەمەس. (شۇڭا، بۇنداق ئەھۋالدا ھەيز بولۇپ قالدىم دەپ نامازنى تاشلىمايدۇ.)
مۇجتەھىد تورى تەرجىمە قىلىپ تارقاتتى